سوالف الويك اند الجزء الثالث ادخل او دخلي منتوا خسرانين شي

بسم الله الرحمن الرحيم

هلا والله اخواني الأعضاء شلونكم شمسوين إنشاء الله مرتاحين ومستانسين خخخ عاد يوم الجمعه كان احلى يوم لاني طالع مع ربعي وربع عمري إلى الأبد بس حسافه عثمانو ماطلع معانا المهم شسويله طلع ولا ماطلع المهم اقروا سوالفنا.

طبعن يوم اليمعه هذا احلى يوم بالسبوع الواحد يخلصمن صلاته ويرجع البيت ويتكي على الأريكه ههه ويقراله الجريده وبعد ساعه ينجبون الغده طبعن يوم اليمعه لازم زفر يطبخون المهم ظربته ظرب مع قلاص لبن وعطيتها غفوة محترمه وقعدتالساعه 5:30 المغرب وخذيتلي دوووش على قولتهم شورر ودق عليي حمنوو قالي تعالي سوق شرق قلتله مالي خلق ومتضايق قالي ياعمي امش قلته اوكي حاضريين والبيت مافيه احد الكل طالع دقيتلي على تاكي>>ثواني<< خخ ثواني والحبيب يوم دقيت عليه ماوصلي الا بعد نص ساعه المهم وصل والتاكسي قلت: السلام عليكم ورد : وعليكم السلام ورحمة الله وبركاته رديت: ها شلونك وشلون الدينا معاك اشلون الشغل رد: والله يافندم كولو تمام المهم طيقناها سوالف لما قربنا يم سوق شرق انا قلت الحين ماكو أحد بسوق شرق بس يمكن نفرين او جم هندي ولا مشاء الله كل الناس مناك زحمه الي مواعد ورايح حق صاحبته ولي مواعد ربعه وانا واحد منهم المهم وصلت ودقيت على السمي هاا وينك قالي : انا برهعند النافوره قلتله اوكي دخلت من الباب الرئيسي الي عند الساعه الزرقه ولا اظحك واقول شخباري سوق شرق قدييم اذكر على ايام قبل كنا انقول هذا اكبر مجمع بالكويت والخليجج ههه بس على وقتنا الحالي المجمع هذا ولا شي خخخ المهم طلعت بره عند النافورهولا مشاء شكثر الناس مناك زحمه ولا القى حمنوو ونصور الي مشاء الله 15 كلمه بالثانيه ههههه سلمت عليهم ولا اقول حق حمنوو : شنو هذا يايبني مجمع مغبر ولا يقول : شنسوي لازم نغير ملينا من السالميه والاماكن الي فيها مصخرهولا ارد عليه : اها يعني مشاء الله مافييه ولا يقول لااهوا فيه بس قلييل ولا اقوله : اي اوكي المهم دشينا داخل ولا ندخل ستاربكس وكل واحد ظربله كفيه لاتيه وطلعنا برهوكل واحد يقول سالفه ويطلع الي بقلبه وندردش وشوي وصل بوجسوم الي معانا بالمنتدى عاد هذا حبيبي يحليله وتوه راد من الحج هههههه المهم طقيناها سوالف ونحش بهذا ونظغط هذا عااد اوهه عاد الاشكال الي بسوق شرق كلها قديمه مثلن شاايب داق الشنب ولابسلي سديري وياي يقز مع رفيجه الشايب او بنات لابسين تنانير قصيره وهيلاهوب شفاف اسود وماسكه بيدها الجنطه انا اتوقع الجنطه مافيها إلا كلنكسات وجرايد وحمره منتهيه صلاحيتها ههههههه آهه ياقلبي واخر شي قرووب بنات لابسين هذا الجماغ الي مال الفلسطن الي هابين فيه وحجاب بو أرييل مشاء الله ويطلع كل المحطات وعقد لابسين دشاديش مخصره وقحافي وحنا قاعدين ونظحك ولا اقول بس بس مايصير نطنز على العالم خلونا انتمشه تمشينه بره عند البحر والجو كان حلو مال تمشي وسوالف ولا شنو وحنا قاعدين نمشي خخخ صبيان لاحقين بنات حوالي اربع صبيان يستهبلوون والبنات حوالي ثلاث وحده مهم قالت حق الثنتين بصوت خفيف صبر صبر لاتمشون خل يذلفون الصبيان عشان نقدر نمشي على راحتنا هههه وين تمشوون راح يأذونكم ههه ولا اقول حق الربع اشوه إنا احنا ذكور مو إناث ولا جان بنتأذى بطلعه والدخله والله بعض البنات متأذين بس يالله عادي هاذي طبيعت الإنسان البي لازم اذا شاف البنت يتلعوز من جمالها و يتنح عليها وفي بعض ي الشباب اذا شاف البنت الحلوة يقول بطقاق يعني لي مته انا بقعد اغازل والحق شنو الهدف و آخرة الموضوع انا الحين وفي لا يعتبر هاذي البنت مثل اخته او يقولك هاذي بنت ديرتي اخاف عليها و الحين اعرف الشباب من شخصيتهم في الرقله يعني الخفيف وفي الثقيل وفي الكومدي ويحب يصلح بين الناس و غشمرجي وفي المعقدين واخر شي المسطولين وانا من النوع الغشمرجي واحب اراضي واصلح بين الناس هذا صج مويعني امدح نفسي وهذا شي حلو وهم في بنات جذي وانا احب البنت الي تكون كومديا وثقيله بنفس الوقت وتكون خجوله المهم نرجع حق موضوعنا خخخ ادري اني طولت عليكم لوووولز عاد يوم الصبيان يستعبطون على البنات ولا اظحك بسخريه هه ههه ههه هه شالسخافه وملاقه تبي اظبطها قطلها الرقم ولا اكتبلها ايميلك هههه والله هالصبيان لي شافوا البنات جنهم شايفين مخلوق غريب المهم افترينه صجج كان النظر حلو الطراريد واليخوت صافطين بالمسنه الي بسوق شرق وحتى نقدر شنو نركب مع اليخت اتوق التذكره للشخص الواحد بدينار بس حسافه كان بيصكر هه مومشكله المره اليايه ولا حمنو يقول امش بوديك مطعم مشوياتغير طبيعي ولا اقوله يالله ولا وين اتوقعوون؟ القهوة الشعبيه هه عاد انا مشتهي كباب او تكا او ريش خخخ المهم دخلنا القهوة الشعبية ولا اروح عند الشباك الي يعطي فيش حق المشويات يعني مثلن التكا الفيشه لونها اخضر والكباب لونها احمر ولا الكبده لونها اصفر المهم وصلت عند الباك ولا ريال قدييم قلتله ياطيب عندكم كباب قال لا يبا اليوم ماكو إلا كبده وقلووب ولا اقول حسافه ولا حمنو يقول هاا: نطلي ولا لأ قلتلا يالله خنطلي كبده طلبنا ماعونين مع ببسيين شغل عدل عاد شنو نطرنا شوي ولا بوجسوم ونصور قالوا احنا مانكل من القهوةالشعبية بنروح شيليز ولا اقوله ياعمي من القهوة الشعبية لي شيليز غلطان ولا يظحك ههههههه ولااقوله على راحتكم روحوا انا وحمنوا بنقعد ناكل لي خلصنه انيلكم شيليز قال اوكي المهم خلص الطلب ولا الريحه تبط الراس طبعن الكبده مو حاطه بصجن حاطها بخبزه ومغطيها بقصدير ويمها البصل ةالخظره يعني ماكو شغل قديم وانا احب هالسوالف عاد ظربناه بالخمس لما قلنا بس والقطاوه اتخطرف يمنا وانا احذف لهم جم قطهة كبده ومساكين ياكلون
عاد خلصنا ورجعنا حق الربع والحبايب طايحيله ظرب عليهم بالعافيه عاد انا قلت توني ظارب من القهوة الشعبيه وابي احلي من مطعم شيليز عاد حليتت ويازين تحليتهم اخييه جان زين بعض الناس كانو معاي جان حلوة القعده عاد شنو بطلت بوكي بشوف عندي فلوس ولا مألقه عندي الا نص دينار خخخ ومالي خلق اسحب مااني قلت لهم انا بمشي جني رايح حمام وانتوا بعدين قوموا ولا يقولون اوكي خخ مشيت ولاربع شوي شوي مشواا والله مسكين الفلبيني بياكلها عدل من الخصم عاد صارت الساعه 11:30 ولا انقول خنمشي نرجع البيت قالوا يالله دورنا تاكسي ولا نلقه تاكسي شايب رايح فيها قالناله جم توصل لي كيفان سيتي ولا يقول: سنوو ايس فييك وا افوله كيفان الي يم الخالديه اهااا انا الهين ياارف ولايقول : دينارين ونص ولا انقوله اوك ركبنا والحبيب حاطلنا اغاني هنديه واحنا طايحيله ظحك ورقص داخل التاكسي وقفنا عند الإشاره ولانو جيب رنج روفر كله بنات اهمه مطولين حاطين اجنبي ولا شنو خلصت اغنيتهم ولا انطول حده والغنيه هنديه ياسلام ولا وحده من البنات بطلت الجام ولا تقول عاشواا قروب الهنادوه ولانظحك كاااااااااااااااااااااااك عادااااااااال يالفلبن حاطين اجنبي ونتوا مو فاهمين معنه الكلام ولا اقول خخخ يعني احنا الحين الي نفهم هندي االمهم وصلنا كيفان قلنا حق التاكسي ينزلنا عند كوزمو ولا يقول ويف الفلوس ولا انقوله كااا لحظه ولانعطيه دينار ونص ولا يقول لا انا يقول دينارين ونص ولا انقوله شنسويلك هذا الي عندنا خليناه يولي ومشينه ههه قعدنا بكوزكو لعبنا بولنق واستانسنه يعني الحمدلله كانت الطلعه حلوة وماتحله إلا مع الحبايب وبسسس ذا الي صار ادري انه الموضوع مو حلو من دون >>عوصمان<< خخخخ والحين بوريكم صور.


http://www.a7bk-a-up.com/img1/uBi03192.jpg
ياسلام على الكبده





http://www.a7bk-a-up.com/img1/y5d03192.jpg
اظربب بالخمس

لوووووول حبابيبي والله نورتوا الموضوع النوضوع من دونكم مايسوى شي وكل عام وانتوا بخير